Nutiziale culturale

18u Festivale Histoire(s) en mai da u 22 à u 28 di maghju

Sta 18a edizione di l’appuntamentu annuale cunsacrata à a Storia è à u rumanzu storicu, pruposta da l’Associu Arte Mare, vole esse innuvente. U tema in u 2023 hè a storia vagabonda. Sta volta, si tramuterà à pedi è in trenu in l’isula sana.

A manifestazione serà itinerante i 27 è i 28 di maghju, postu chì piglierà u trenu pè Aiacciu grazia à una cullaburazione cù i Camini di Ferru di  Corsica chì sustenenu u premiu Ulysse in u quadru di u festivale Arte Mare.

U PRUGRAMMA

Da u 22 à u 26 di maghju : a storia chì spasseghja

A storia spasseghja in e scole è cullegi cù Christine Féret-Fleury è u so « Giurnale d’Armande, cumediante di Molière». Christine Féret-Fleury hà travagliatu in l’edizione nanzu di scrive quasi centu libri pè i zitelli è l’adulti. Scuntrerà elevi di U Viscuvatu, Velone Ornetu, Biguglia, Furiani è Bastia.

Ghjovi u 25 di maghju : a spassighjata Salvatore Viale in sacristie è lochi discreti.

U publicu scuprerà in Bastia sacristie, cappelle è visiterà a bibliuteca patrimuniale di notte. Visita cumentata da storichi è scrittori.

Duie partenze sò pussibule :

3 ore è mezu :  in cunventu Sant’Antone, cù visita di u so chjostru.

4 ore è mezu : partenza da a bibliuteca patrimuniale Tommaso Prelà pè visità u carrughju Santa Lisabeta, u cunventu Sant’Angelo, a chjesa San Carlu, L’Immaculata, a catedrale San Ghjuvanbattista, u carrughju San Teramu.

A  7 ore: apperitivu, cullazione, cuncertu è letture in i giardini di a bibliuteca.

A 8 ore : visita di notte di i fondi di a bibliuteca. (Entrata gratisi ma necessità di a riservazione : 06 81 19 90 74).

Venneri u 26 di maghju : : « Nant'à e strade di a storia »

À 11 ore à a libreria Alma : scontru cù l’autori invitati : Patrice Gueniffey, Christophe Donner, Christine Féret-Fleury, Charles-Éloi Vial, Christophe Bourseiller, Bertrand Puard, Philippe Peretti è Laure Limongi. 

A 5 ore è mezu à a Mediateca di Castagniccia Mare è Monti in Corsica

Cunferenza-dibattitu cù l’invitati nant’à u tema :« Cumu si si scrive a storia ? ».

Sabatu u 27 è dumenica u 28 di maghju : Viaghju in trenu di rigalu ma ci vole à riservà à u : 06 81 19 90 74.