Voce Nustrale

Corsica
30 di maghju

A CDC deferita à u tribunale amministrativu da u prefettu è a rettrice di Corsica

U prefettu è a rettrice di Corsica anu annunziatu in u cumunicatu cumunu avè deferitu à u tribunale amministrativu a decisione di a cullettività di Corsica di rimandà à settembre l’accogliu di l’elevii in i cullegii è i licei di l’isula. U ministru di l’educazione hà annunziatu ghjovi a riapertura di l’inseme di e scole, cullegii è licei situati in zone verde. Venneri durante une sessione strasurdinaria di l’assemblea di Corsica, a maggiurità naziunalista ùn hè micca rivenuta nant’à a decisione di mantene i stabilimenti sculari chjosi. A sessione chì s’hè tenuta in visio cunferenza hè statu u teatru di viulente scambii verbali, trà l’opposizione è a maggiurità, nant’à e tematiche di u green pass, l’aperture di e scole, è a stagione turistica à vene. Chjami è rispondi pulitichi nant’à fondu di crisa sanitaria, mentre chì u gruppu “Per l’Avvene” avia decisu di spinghje u screnu.

 Indirizzu

Piazza Ghjuvanni Simonetti
20221 Cervioni

+04 95 38 12 83

 Rete suciale

Cuncezzione è realizazione Agence de communication L'Agenza