Nutiziale culturale

A Corsica ind'u mondu etruscu : in Aiacciu da u 9 sin'à u 31 di maghju

Durante u mese di maghju, a reta di e mediateche è di e bibliuteche di a cità d’Aiacciu è i so cullaburadori organiseghjanu a seconda edizione di u mese di l’archeolugia labellizata hashtag JM Europe « Joli mois de l’Europe ». In st’occasione, a cità vole fà scopre a civilisazione etrusca chì hà avutu influenza ancu in Corsica. A u prugramma, mostre, cunferenze è attelli in e mediateche di a cità è à a citadella.

Frà l’appuntamenti, à parte da l’11 di maghju, u publicu puderà scopre una mostra unica « Les plantes à parfum dans l’antiquité » (Mediateca di e Canne à 5 ore) è u listessu ghjornu assiste à a cunferenza di Jean Castela, prufessore agregatu à l'Università di Corsica è duttore in Storia di e Civilizazione, nant’à « La Corse et les Corses dans la dynamique du monde étrusque et de l’espace tyrrhénien » (Citadella 6 ore).

Altru appuntamentu u 16 di maghju à a Mediateca di e Canne, à 6 ore, cù a cunferenza di Laurent Vidal, rispunsevule scientificu di l’operazione cundutta da l’Inrap nant’à u situ d'Aleria, chì hà scupertu una tomba etrusca in u 2019. Sta scuperta hà fattu nasce assai interessu in u mondu scientificu è hè stata u sugettu d’un documentariu nant’à u canale di televisiò Arte in u 2022. Laurent Vidal ci conterà sta scuperta maiò. Infine, pè cumpletà u so ciclu di cunferenze è prupone attelli di giuventù, intervenzione di l’archeologhe Hélène Paolini-Saez è Nadia Ameziane-Federzoni. I giovani puderanu creà insemi di vestiti, ornamenti, ghjuvelli etruschi è scopre e mitolugie etrusca è rumana cù i ghjochi.   

Cusì, si pò scopre a Corsica ind'u mondu etruscu : in Aiacciu da u 9 sin'à u 31 di maghju. Una civilisazione etrusca misteriosa è affascinante è a so lascita in Corsica.

U prugramma cumpletu nant’à ajaccio.fr