Voce Nustrale

Nutiziale culturale

Sète
18 di ghjennaghju

A Corsica invitata d’onore di a più grande festa marittima di Mediterraniu “Escale à Sète”

A Corsica hè l’invitata d’onore di a più grande festa marittima di Mediterraniu “Escale à Sète” da u 26 di marzu à u primu d’aprile cù più di 400 000 visitadori tutti i dui anni. L’evenimentu hè statu presentatu à a CDC. In st’occasione, associ culturali è ecunomichi, u mondu di a pesca isulana stalleranu un paese corsu. St’evenimentu in a cità di Sète hè un principiu d’una cullaburazione cù i rispunsevuli di sta festa pè mette in risaltu u patrimoniu marittimu isulanu spessu pocu cunnisciutu da u publicu. 


In u quadru di sta participazione à “Escale à Sète”, si ferà un studiu nant’à l’elementi di u patrimoniu corsu (porti, fanali, filuche, arnesi di pesca) è operazione di valuisazione cù a creazione di una « Festa di u Mare ». Escale à Sète serà prulungatu in Corsica cù l’organisazione di scali di grandi bastimenti à vela. Sò ghjunti dinù in l’isula i maestri d’ascia Robert Contreras è Raymond Dublanc (co-presidente d’Escale à Sète) cù Simon Berner, maestru d’ascia stabilitu in Asprettu. Devenu esaminà l’imbarcazione tradiziunale di i piscadori aiaccini.


Durante u festivale, un paese corsu serà animatu da attori culturali : u gruppu Eppò, i Musei di a Corsica è d’archeolugia di Sartè, a Prudomia di i piscadori d’Aiacciu, Prupià et Carghje. Averemu e mostre di filuche cum’è quella di A Scopa, custruita à i cantieri Nobili è Figlioli rinnuvata da Simon Werner è puderà navigà, di ritratti fundendusi nant’à i fondi iconografichi di u Museu di a Corsica. Cunferenze è diffusione di filmi in leia cù u mare sò previsti dinù.

 

Evenimenti

Felì è u giru storicu pè i so 35 anni di carriera

24 di ferraghju | Corsica è Francia

I 20 anni di l’emissione Cabaret di RCFM

27 di ghjennaghju | Biguglia

I 40 anni di a casa d’edizione Albiana

23 di ghjennaghju | Aiacciu

Sustegnu à RCF Corsica

21 di nuvembre | Aiacciu

SYVADEC : distribuzione d'assuvatoghji

7 di nuvembre | Cismonte

 Indirizzu

Piazza Ghjuvanni Simonetti
20221 Cervioni

+04 95 38 12 83

 Rete suciale

Cuncezzione è realizazione Agence de communication L'Agenza