Nutiziale culturale

A nova emissione di Via Stella : 'Trà Mare è Paese'

Da u 3 di lugliu à u 25 d’aostu di u 2023, Christophe Zagaglia presenta l’evenimenti culturali, spurtivi, storichi è patrimuniali di l’estate da u luni à u venneri à un’ora è dece. “Trà mare è paese” vole evucà l’evenimenti fora di e cità o e marine, l’associ chì travaglianu tuttu l’annu pè preservà u nostru patrimoniu, prutegenu a diversità biologica, o creanu chjassi trà i paesi. 40 episodii pè mette in risaltu l’iniziative spurtive, e surtite culturale, e notte di a chitarra in Patrimoniu, a Via Romana in Castagniccia à a fine di u lugliu o ancu l'USS Corsica, associu bastiacciu di passiunati è di cullezziunadori chì rializeghjanu un duvere di memoria ingiru à i grandi cunflitti.