Bilanciu di u 13 d'aprile

L’ARS hà fattu sapè in u so bilanciu oghjincu, chì un omu d’81 annu hà persu a vita in Cismonte. Dipoi u principiu di a pandemia, 205 persone sò morte in Corsica. 124 novi casi pusitivi sò stati custattati, 62 in Pumonte, è 62 in Cismonte. 93 persone fermanu uspitalizate, frà e quale 17 sò in reanimazione (7 in Cismonte, 10 in Pumonte)

A oghje, 79 401 persone anu ricevutu a prima dosa di u vaghjolu è 32 084 a seconda. Da quì, à a fine di settimana, i testi antigenichi seranu à dispusizione di tutti in tutte e farmacie. Infine, e prime dose di u vaghjolu Johnson & Johnson seranu arrecate in e farmacie corse trà i 21 è 22 d’aprile.