Catastroffa di Furiani : a data di u 5 di maghju sacralizata

Quasi trent’anni dopu a catastroffa di Furiani, u Senatu hà aduttatu a pruposta di lege di u deputatu Michel Castellani pè ch’elli ùn si ghjochinu più scontri di pallò prufeziunali u 5 di maghju in omagiu à e vittime. Oramai, nisun scontru di Liga 1, di Liga 2 è di Cuppa di Francia si ghjucherà  stu ghjornu dopu à a prumulgazione di a lege da u presidente di a Republica da quì à una quindecina di ghjorni è a so publicazione à u Giurnale ufficiale. Per u Cullettivu l’emuzione hè grande. Tocca avà à mantene u duvere di memoria.  L’inseme di u ballò corsu si rallegra d’issa decisione.