Corsica è Covid

Eri, per via di a covid, Jean Paolini, 74 anni, primu aghjuntu à u merre di Lumiu, s’hè spintu à l’uspidale di Bastia.

I duttori corsi raccumandanu à l’autorità d’impone e vistichere di covid à e persone venendu in l’isula. Ne simu à più di 200 casi pè 100 000 abitanti, una situazione chì s’avvicina di a limita d’alerta massimale (250). 

Cù a crisa sanitaria, nove regule devenu esse rispettate da i risturadori, in particulare i quaterni pè chjamà i casi cuntatti sì un cliente o un impiegatu di u stabilimentu era dichjaratu pusitivu. In Corsica, un giovanu intrapresariu, Sébastien Mangini, prupone una suluzione à i risturadori è à l’autorità sanitarie. Ghjè u serviziu Registeo chì funziuneghja cù SMS.