Covid : cunferenza di stampa di Marie-Hélène Lecenne è di u prefettu Le Large

Sta mane, ci hè stata una cunferenza di stampa di Marie-Hélène Lecenne, a direttrice di l'ARS è u prefettu di Corsica Pascal Le Large. Marie-Hélène Lecenne hà dettu chì 204,5 casi pusitivi pè 100 000 abitanti sò stati identificati a settimana scorsa. Pè e persone di più di 65 anni, a cuntaminazione hè assai forte. Nove persone sò in rianimazione in l’isula è u serviziu di cuntaminazione Covid in Bastia ùn pò più accoglie altri malati. In l’uspidali di Bastia è d’Aiacciu, certe cure è intervenzione chirurgiche sò state attempate.