Nutiziale culturale

L'attualità di Battista Acquaviva

Una cunferenza pè tratta di a musica corsa ind’a musica di u mondu, in particulare di e micro intervalle di a musica corsa. L’artista conterà e so sperienze di viaghji, i canti armeniani è bulgari. Ogni spiecazione o capitulu nant’à ste note cusì particulare serà cantata da Battista. A tessitura di a so voce li porghje un’identità. Pè priservà stu patrimoniu, a passiunata di musica prusegue cusì l’opera di u so babbu Nando, musicologu chì hà scupertu a terza mezana. Battista hà una voce di mezzo soprano  è coloratura cù una tessitura di più di trè ottave. L’etinomusicologu Bernard Lortat Jacob parla d’una voce di fischju, u registru u più altu di a voce umana. Hè analisata da un laburatoriu pariginu nant’à u sonu è a voce umana. Ghjè una di e voce e più incredibule di Corsica.

U so babbu li hà amparatu a musica. Quand’ella era zitella, Battista hà seguitatu master-class cù Guillemette Laurens è corsi di tennica vucale cù Martine Viard. Hè stata messa à l’onore da Caroline Bourgine in u 2005 nant’à France Culture. I so spettaculi di musica tradiziunale corsa 'Canti Corsi' (2010) è 'Les Ailes de la voix' (2012) a facenu cunnosce in Francia. Hè sullicitata dinù pè creazione è spettaculi à u Québec, in Austria è Russia. A so tessitura li permette di cantà arie liriche 'Les Oiseaux dans la Charmille' des Contes d'Hoffman, de Jacques Offenbach, rôle d'Olympia et 'Le Rossignol' de Alabiev.