95.1 è 105.1 MHz
- Vicu: Cullegianti di Vicu ùn seguitanu i corsi in sustegnu à l'elevi privati di trasportu sculare
- Bastia: Prucessu pè scruccuneria à u preghjudiziu d’EDF è di l’ODARC
- Aiacciu: Prucessu pè un trafficu di droghe maiò : u verdettu
- Corti: Reunione cumuna in Corti contr'à a ripressione
- Vicu: Inaugurazione ufficiale di u terzu locu ind’un EHPAD cù a ministra di a Salute, Catherine Vautrin
- Lucciana: Agenti d’EDF adduniti davant’à a centrale di Lucciana
- Aiacciu: Reta di prussenetismu agavatu : 5 persone ghjudicate
- Cismonte: Novi eccessi maiò di vitezza in Cismonte, frà elli unu à 178 chilometri à l'ora
- Corsica: U guardianu di u rifugiu di l'Asinau cunserva u so postu
- Ghisunaccia: Ghjuvan Santu Le Mao si dice vittimu d'un arregistramentu illegalle
Attualità
Nutiziale Culturale è Podcast
I vostri appuntamenti culturali in Corsica
U 10u numeru di 'Storia Corsa' cunsacratu à l'80u anniversariu di a Liberazione di l'isula
U decesimu numeru di Storia corsa presenta una riflessione apprufundita nant’à l’Ottantesimu anniversariu di a Liberazione di l’isula, evenimentu maestru di l’annu scorsu. Stu numeru redattatu da autori rinumati, giovani storichi è cù un avvicinamentu nuvatore, hè un cambiamentu d’andatura significativu pè a publicazione. A rivista “Storia corsa” hè stata creata in u 2018 da Christian Castellani è u ben’di Jean-Luc Messager, dice Stéphane Orsini, u capiredattore. U scopu hè di sensibilisà a ghjente à a storia di a Corsica è di i Corsi. Accade dinù di francà e fruntiere di l’isula cù persunagi corsi chì si sò illustrati in altrò.
L’avvicinamentu di l’anniversariu di a liberazione s’hè fattu cù Sylvain Gregori, specialistu ricunnisciutu di a perioda cuntempuranea, chì hà addunitu autori è cuntribuzione pè “celebrà a storia, custruì a memoria” in più di e rubriche abituale. Ci sò l’aspetti più memuriali di sta liberazione storica à tempu gluriosa è dulurosa. Chì ne ferma oghje ghjornu in a memoria cullettiva è cumu u ricordu s’hè mantenutu è spartu di leva in purleva ind’a sucetà isulana ? Si parla dinù di i taliani, di u mondu culturale è di a so manera d’ispirassi di stu passu di a storia. Un sistemu di QR Codice permette dinù di stà à sente canzone. A cumprendula hè una magnifica acquarella di Dominique Groëbner. Riprisenta a ricuperazione d’arme lampate in paracaduta nant’à a Castagniccia da l’aviazione inglese nanzu d’esse traspurtate sin’à a grotta di Teghja in San Gavinu d’Ampugnani. L’opera vene da una mostra d’acquarelle chì a Cumunità di e cumune di Castagniccia avia cumandatu à l’autore pè una cumemurazione. Oghje ghjornu, sta mostra hè presentata in i cullegi è licei.