Nutiziale culturale

Fiera di a Castagna i 5, 6 è 7 di dicembre in Bucugnanu

L’evenimentu rivene piu forte chè mai dopu l’incendiu di u materiale di a casa rurale U Castagnu, organisadore di  fiera, di maghju scorsu. Trè ghjorni di castagne, di sapè fà isulani cun e donne è l’omi chì facenu sempre campà a ruralità corsa. Vulteranu i pruduttori baschi chì presenteranu u fegatu grassu, casgi, peverone d’Espelette. A fiera prumove ancu u bislinguismu cun a Ghjurnata di a Tramandera in cullaburazione cun u retturatu. Quasi 600 elevi scupreranu sfarenti attelli pè lià a lingua à ste stonde di cunniscenza prufonda di i nostri sapè fà è sapè esse.

Attelli animati da u Parcu naturale regiunale di Corsica, U Mondu di u Porcu di Cuzzà, l’ecomuseu U Palazzu di Bucugnanu, u sindicatu AOP Farine de châtaigne corse – Farina castagnina corsa, I Farri di Mariu, l’ILOCC, l’Associu Fiuramossa, i sindicati di i cultellaghji corsi, AOC Oliu di Corsica, AOP Meli di Corsica o ancu Hélène Bonardi è Céline Vincent è l’Ateddi Conti Filati. Videranu per esempiu a fabricazione di u brocciu, di a pulenda… Ci serà un libracciolu di ghjocu, inchieste, percorsu di scuperta di u campu di fiera da ritirà à l’accolta. Infine, u vnneri, i sculari puderanu visità u Mulinu di l’Orsu u venneri, cun iscrizzione sabbatu è dumenica.