Nutiziale culturale

I 20 anni di l'associu Bout de vie festighjati u 20 di maghju à u Parcu Galea di Tagliu Isulacciu

St’associu hè statu creatu da Franck Bruno, u spurtivu ammuzzatu d’una gamba, pè aiutà e persone in sta situazione à fà di u so dramu una forza, pè rende à u svantaghju a so piazza in a sucetà. L’organisazione di stazi cù persone ammuzzate o nò permette dinù di cambià u sguardu nant’à e persone svantaghjate, addunì a ghjente, aiutassi è esse sulidarie trà di elle. Grazia à e so azzione mediatizate è e prove maestre di u so fundatore, l’associu s’hè fattu cunnosce fora di l’isula. Pè Frank Bruno, e persone ammuzzate è l’altre devenu campà inseme è micca ognunu in u so universu. U scopu hè di mustrà chì e persone svantaghjate anu e listesse forze chè l’altre ancu pè fà prove maestre.

Pezzi di vita, omi è donne arritti ancu cù una sola gamba o senza bracce. Cusì, Franck Bruno è i benevulenti di u so associu sanu rigalà à ste persone una vita ricca è piena à sperienze induve si scordanu di u so svantaghju è si feghjanu altrimente.

Pè st’anniversariu, serà presente Bixente Lizarazu, anzianu ghjucadore à pallò internaziunale è spurtivu d’altu nivellu. 

À duie ore : diffusione nanz’à a so esciuta ufficiale di u documentariu “L’iceberg” di David Tiago Ribeiro cuntendu u percorsu di Franck Bruno da a Corsica à u Groenland. In stu filmu, ci hè dinù u spurtivu Dominique Benassi, gambimozzu, è 15 volte campione di u mondu di triathlon. Frank Bruno è Dominique Benassi anu percorsu l’Atlanticu à u remu in u 2006.

A parte da 3 ore è mezu, cunferenza di Bixente Lizarazu nant’à u trapassamentu di sè è a scuperta di nove limite.

L’anniversariu prupone dinù à i giovani attelli nant’à u temu di l’aventura