Voce Nustrale

Nutiziale culturale

Biguglia
10 di ghjennaghju

I 40 anni di l'Arcusgi festighjati venneri l'8 è sabbatu u 9 di marzu à u spaziu Carlu Rocchi di Biguglia, 8 ore è mezu

U gruppu L’ARCUSGI hè felice di prupone un spettaculu novu à u Teatru di Biguglia. Dapoi a so nascita, 40 anni fà in u rughjone di Bastia, L’ARCUSGI viaghja à nant’à u caminu apertu da i primi gruppi culturali di u Riacquistu.

L’ARCUSGI canta a Corsica, u so populu, a so terra, a so cultura, a so lingua è i so diritti à l’autodeterminazione. In l’anni Ottanta Quattru / Ottanta Cinque, u so nome (datu da Nunziu GRISONI) hè statu sceltu in umaggiu à i suldati di Pasquale Paoli, armati d’Arcusgi (petites arquebuses), ch’anu cumbattutu l’armata francese in u XVIIIesimu seculu.

Fidu à e so idee, L’ARCUSGI mantene a so strada, sempre listessa, è ferma sulidariu in i so canti cù i populi in lotta, fendu una piazza impurtante inde e so creazione nove à u Paese Bascu, di sicuru, ma dinù à a Catalunia, a Scozzia è d’altri à vene. L’ARCUSGI hà a brama di ritruvà u so publicu per pudè sparte a so passione di u cantu, campendu, una volta di più, stonde d’amicizia è di fratellenza. À prestu à nant’à a scena di u Teatru di Biguglia.

Evenimenti

Felì è u giru storicu pè i so 35 anni di carriera

24 di ferraghju | Corsica è Francia

I 20 anni di l’emissione Cabaret di RCFM

27 di ghjennaghju | Biguglia

I 40 anni di a casa d’edizione Albiana

23 di ghjennaghju | Aiacciu

Sustegnu à RCF Corsica

21 di nuvembre | Aiacciu

SYVADEC : distribuzione d'assuvatoghji

7 di nuvembre | Cismonte

 Indirizzu

Piazza Ghjuvanni Simonetti
20221 Cervioni

+04 95 38 12 83

 Rete suciale

Cuncezzione è realizazione Agence de communication L'Agenza