'A ti dice', una canzona di Natale Vesperini in umagiu à Felì pè i so 35 anni di carriera è u so percorsu musicale

Felì hè u maestru di cantu di Natale Vesperini chì canta sta canzona cù Laure Degiovanni. ' Hè statu una guida per mè è tant'altri. Stu single s'ispira d'una di e so prime canzone, Festa, ch'è no avemu arrigistrata più di trent'anni fà quand'era zitellu. Ùn mi ne sò mai scurdatu è ghjè u ripigliu chì m'hà fattu cuntinuà nant'à a via di a musica.' Stu titulu, scrittu da Christophe Limongi, hè statu u risultatu d'un travagliu d'artisti : u disegnu hè di Jean-François Gandon, Elena Manchot-Danielan sona u viulinu, a cumpusizione hè di Laurent Viti è infine Thibault Ficarra à l'assestamenti sunori. Tutti volenu accumpagnà à Felì durante u so giru di i 35 anni di carriera chì principia l'11 di maghju trà Corsica è cuntinente sin'à u Casino di Parigi. L'incasci di l'opera seranu distribuiti à l'associu Scola in festa, a famosa scola di musica fundata in u 2001 da Felì à a mediateca di Fulelli avendu più di 300 elevi.