Voce Nustrale

Nutiziale culturale

Corsica
4 di lugliu

Opus.Corsica, festivale internaziunale di musica da u 12 à u 27 di lugliu

Pè sta quinta edizione, da u 12 à u 27 di lugliu, u Festivale Internaziunale di Musica Opus.Corsica, sott’à a direzzione artistica di a pianista cuncertista Laura Sibella è di u so presidente Xavier Torre, demucratiseghja sempre a musica classica in lochi di prima trinca cù recitali di piano solo virtuosu, di musica di camera, cuncerti lirichi avendu parechje voce è sfarenti spettaculi ingiru à u piano cù litteratura è testi letti da a so autora, ma dinù pulifunie di Corsica è tant’altre surprese pè sparte è offre à u publicu una nova emuzione è una rilazione sfarente cù l’opere.

Un prugramma riccu cù, frà altri, u piano solo virtuosu sunatu da Varduhi Yeritsyan, i pianisti Jean-Baptiste Doulcet, Julien Brocal è una giovana virtuosa Lucie Le Balc’h. Senterete dinù e più belle pezze di l’insemi d'opera comichi è di u ripertoriu rumanticu francese cù parechje voce grazia à u Quatuor Opale, festighjerete l’arte liricu cù Éléonore Pancrazi è i so invitati, u cantu pulifonicu, i famosi pianisti rumantichi cù Spartimu è Petru Casanova, da u Giappone à a Corsica cù i cuncerti di l’Odissea di l’isule interpretati da u pianistu virtuosu Jean-Baptiste Fonlupt è l’artiste giappunese Aiko Okamura à u viulinu è Risa Ando à u piano. Cuncerti previsti in Purtivechju u 12 di lugliu, teatru I Chjachjaroni, Lecci u 14 di lugliu, Bunifaziu u 17 nant'à a corte quadrata, Purtivechju u 19 Bastione di Francia, Zonza u 23 à u campu di corse di Viseu, à u Duminiu di Turraccia i 25 è 27. Infine, in Bastia, corte di u palazzu di i guvernadori di a citadella i 15 è 16. Di più infurmazione nant’à u situ opus.corsica.

Artisti

 Indirizzu

Piazza Ghjuvanni Simonetti
20221 Cervioni

+04 95 38 12 83

 Rete suciale

Cuncezzione è realizazione Agence de communication L'Agenza