Attualità

Prucedura disciplinaria contr'à u presidente di l'ACA

Una prucedura disciplinaria di a FFF hè stata aperta contr’à Christian Leca, u presidente di l’ACA, dopu à u so cumunicatu assai criticu contr’à a cumissione di disciplina di a LFP u 13 di ghjennaghju scorsu. Ramentemu chì l’ACA hà prutestatu contr’à una decisione di sta cumissione ghjudicata inghjusta cont’à u so ghjucadore Oumar Gonzalez. A squadra hà accusatu dinù a LFP di vulè impedì l’accessione di l’ACA in Liga 2. D’altrò,  u giurnale L’Equipe annunzia chì una lagnanza di i membri di a cumissione di disciplina puderebbe esse dipusitata. Dumane à 5 ore, u presidente di l'ACA si sprime durante una cunferenza di stampa.