Nutiziale culturale

Sabbatu u 7 di maghju, Claude Baldassari dedicherà 'Gira a macina' in cunventu di Cervioni

Sabbatu u 7 di maghju à 6 ore di sera in Cunventu di Cervioni, Claude Baldassari firmerà a so opera literaria 'La meule du temps, gira a macina', esciuta à l'edizione Baudelaire. Un scontru amichevule cun l'autore è l'occasione di scambià inseme ingiru à un spuntinu.

La meule du temps' hè u primu rumanzu di u cerviunincu Claude Baldassari à l'edizione Baudelaire. Novu scrittore in l’universu litterariu corsu, imbarca u lettore ind’una storia famigliale ind’a Corsica di u 19u seculu à a nostra epuca. Un’opera memuriale. Claude Baldassari hè dinù amministradore di l’ADECEC.

Eccu ciò ch'ellu conta è analizeghja Claude Baldassari cù una sensibilità infinita è una verità cummuvente : a storia di a so famiglia, i so sintimi intimi : l'impattu inghjustu è irreparabile di e guerre ; una pandemia d’influenza spagnola chì, cum'è oghje, scunvoglie a libertà è strughje persone ; a scunniscenza di i danni psiculogichi liati à i secreti di famiglia ; l'azardu tragicu d'una malatia chì rompe a vita d'una mamma. L’autore si fonda dinù nant’à i testimoni di u passatu in particulare Anton Dumenicu Monti, autore di “cervioni et le campulori au fil des ans”

Claude  porta u so lettore ind'una storia famigliale pè trasmette à a so figliola Anna Livia in st'opera di memoria. Avemu dinù trè ritratti di donne è u so destinu spietatu. Impregnatu di a sorte di ste donne, li cunsacreghja un capitulu. Eccuci dunque purtati ind'una narrazione senza cumpiacenza chì evulueghja trà passione è riflessione. La meule du temps hè una storia di storie aperta à l’analisi filosofica cum’è un cummentadore di vita.