Seconda tappa di u scunfinamentu

Si principia oghje  a seconda tappa di u scunfinamentu, i parchi è giardini mà dinù e fureste sò aperte in tutta a Francia cum’è e marine, i lavi è centri nauticchi. I musei, munumenti è zoo ponu riapre cù u portu di u mascu ubligatoriu. I risturanti è i caffè riapreanu dinù à parte da oghje rispettendu e regule cù distanziazione, maschere per i persunali è tavulinate di 10 persone massime. E ceremonie ponu ripiglià in e chjese è e visite di l’Ehpad sò autorizate cù duie persone à tempu. In fine i stabilimenti sculari riaprenu pianu pianu cù una limita di 15 elevi per classe. Per ciò chi cuncerna i sporti l’allenamenti cullettivi ùn anu ancù ripigliatu. Solu a pratica spurtiva individuale hè autorizata. A vita di nanzu ripiglia pianu pianu.