Voce Nustrale

Nutiziale culturale

I Fulelli (Penta di Casinca)
9 di lugliu

Spettaculu-cuncertu 'L'Opéra Corse' d’Orlando Furioso venneri u 19 di lugliu à 7 ore, mediateca di Fulelli

A cumpagnia TeatrEuropa hà creatu, di ghjennaghju 2023, un spettaculu chì face a sintesi di u teatru classicu, di l’opera buffa è di u teatru pupulare pè fà cunnosce à i zitelli è à l’adulti l’universu di u cantu liricu. In u quadru di a mostra di u Museu Bonaparte d’Aiacciu « Spettaculi è divertimenti in Corsica in tempu di Bonaparte », un impresariu talianu deve rialisà un opera magnificu pè u teatru San Gabriele. U sugettu sceltu hè A Muresca, una riprisentazione à tempu epica è pupulare chì deve diventà u primu veru opera corsu. Ma mancanu certi persunagi impurtanti chì devenu cantà, soprattuttu u coru di i guerrieri fantacini. Dopu, ghjunghje l’impresariu pè fà u casting. Dui canterini si presentanu pè ghjucà i roli di i prutagunisti di A Muresca ma sò licenziati. Dunque, si ghjovanu di un’altra minichichja pè riprisentassi à l’impresariu. Intantu, u capicantore sceglie in u publicu i zitelli chì deveranu cantà u coru di i “fantacini di u Rè è di a Regina”. Cusì, trà persunagi chì ùn si capiscenu micca è rise, u cantu liricu piglia piazza. L’arie di i grandi opera, da Rigoletto à u Barbier de Séville, da Traviata à Carmen, da Norma à u Flautu incantatu… seranu cantate pè un casting chì ùn ghjova à nunda postu chì ùn ci hè micca teatru. 

 

“L’Opéra Corse” serà ghjucatu da a soprano Maryline Leonetti, u baritonu Antoine Maestracci, l’attrice Marie-Paule Franceschetti, l’impresariu Orlando Forioso, u rialisadore Pierantonio Savo Valente, u pianistu François Colin. Riprisentazione venneri u 19 di lugliu à 7 ore, mediateca di Fulelli. Entrata di rigalu

Artisti

 Indirizzu

Piazza Ghjuvanni Simonetti
20221 Cervioni

+04 95 38 12 83

 Rete suciale

Cuncezzione è realizazione Agence de communication L'Agenza