95.1 è 105.1 MHz
- Aiacciu: Bugettu primitivu di a CDC vutatu senza i voti di l'uppusizione
- Bastia: I sindicati dumandanu un novu uspidale in Bastia
- Santa Maria Poghju: Accidente stradale in Santa Maria Poghju
- Bastia: Cinque 'vicini' di u gruppu Federici incarcerati
- Corsica: Trasferimentu di Stéphane Ori in Parigi
- Poghju Mezana: Focu in Poghju Mezana
- Corsica: Venneri Santu: cumemurazione di a crucifissione di u Cristu
- Bastia: Studianti anu bloccatu l'entrata di u liceu di Montesoru
- Corsica: Antiterrorismu: una guardia custodia levata
- Corsica: Episodiu annunziatu di pulluzione à a particelle fine venneri u 29 di marzu
Attualità
Nutiziale Culturale è Podcast
I vostri appuntamenti culturali in Corsica
“Tant'anni fà', Purettu, Pozzu, Frisculacciu, Lavasina' di Michel de Peretti à l’edizione Aedis
Un sguardu nant’à l’evuluzione è i cambiamenti accaduti in certi paisoli di a cumuna di Brandu. Una testimunianza nant’à a vita di tant’anni fà studiata à livellu agriculu, artigianale, allevu, sculare, i trasporti, e feste religiose, a Settimana Santa… cù numerosi ritratti. 'E cumunità di Purettu, Pozzu è Frisculacciu avianu un’attività pè u più agropasturale cù qualchì attività cumerciale. A pupulazione era aperta nant’à u mondu grazia à i marinari ma pruducia pè u più da per ella ciò chì l’abbisugnava. Oghje ghjornu, sì a pupulazione brandinca hà duppiatu, solu un terzu di l’abitanti ci campa dapoi parechje generazione.
Michel de Peretti hè testimone d’una sucetà paisana quasi sparita, ùn hè micca scrittore, nè puetu o rumanzeru. I cambiamenti principiati à parte da u 1950 si facianu pianu sin’à u 1970. Dopu, più in furia. A diaspora hè vultata in Brandu à mumentu di a so ritirata ma quasi più à parte da u 2000. Ancu di grazia, giovani è menu giovani di Brandu o d’altrò facenu rinvivì tradizione religiose o prufane dapoi qualchì annu. Stu libru ghjova à mantene a memoria di ste donne è omi attori di a storia lucale pè trasmettela s’ellu hè pussibule. Forse chì ste case anziane, sti stazzi, palazzi, chjassi spariti in machja, lochi ch’anu vistru strazià i paisani, funtane, pozzi, oghje vioti, canalette, nomi di lochi, ùn sò micca solu un paisaghju, un ambiente pitturescu ma ch’elli ci parleranu di a vita di i nostri anziani, pè campà megliu oghje è dumane senza scurdassi di i drami è stonde addulurate.