U vescu di Corsica vole luttà contr'à a peducriminalità in a Chjesa

Monsignore François-Xavier Bustillo, u vescu di a Corsica, annunzia pè a Corsica misure maiò contr’à a pedocriminalità in a Chjesa. In particulare, una cumissione di prufessiunali (ghjuristi, penalisti, psichiatri, psiculoghi…) chì serà stallata nanz’à Natale pè sente e testimunianze di e vittime pussibule. St’annunziu hè statu decisu dopu à a publicazione di u raportu Sauvé, stimendu à 216 000 u numeru di vittime d'un prete o d'un religiosu in Francia dapoi u 1950.