Attualità

12 anni di reclusione per furzatura nant’à u so mezu fratellu minore

Ludovic Ercole, un omu di 26 anni, hè statu cundannatu eri da a corte criminale di Cismonte à 12 anni di reclusione per furzature è agressione sessuale nant’à u so mezu fratellu, minore durante i fatti. Fatti ch’ellu hà ricunnisciuti. Hè dinù cundannatu à un ubligazione di seguitu socio ghjudiziariu, assurtita d’un interdizzione d’entre in cuntattu cù a vittima, è d’esercità un attività in leia cun minori. A so scrizzione à u FIJAIS hè stata furmalisata
A mamma di a vittima è u so soceru sò stati cundannati per ùn avè dinunziatu u crimine, l’inchiesta avendu stabilitu ch’elli a sapianu.
Melissa Raffini, a mamma di 47 anni, hè stata cundannata à 4 anni di prigiò frà i quali un annu è mezu attempati, interdizzione d’avvicinà u so figliolu è ubligazione di cura. A so incarcerazione serà effettiva u 28 di ghjennaghju à vene
Hervé Ercole, u soceru, 56 anni, hè statu cundannatu à dui anni di prigiò attempati.