Voce Nustrale

Attualità

Corsica Marseglia
19 di marzu

15 anni di prigiò per furzature sessuale

Dipoi u principiu di l’epidemia in Corsica 152 persone sò pusitive à u Coronavirus. 24 in Cismonte è 128 in Pumonte. 80% di i malati sò trattati in casa. Sò I generalistI chi piglieranu in carica ste persone à distanza o per telefunu , per mail o grazia à a telemedicinale. Micca visite in casa nè cunsultazione ghjè a regula .

Dipoi marti u cunfinamentu hè ubligatoriu è per sorte ci hè bisognu d’attestazione ubligatorie. Eri mane I cuntrolli di pulizza so stati fatti in regione di Bastia in prisenza di u prefettu di cismonte Francois Ravier. In l’inseme e cunsigne so rispettate è ci so state pocu infrazzione. Per l’ora l’attestazione numeriche ùn so ancu valevule.

 

U direttore regiunale di l’operatore Orange in l’isula hà affirmatu chi l’infrastrutture so in misura di suppurtà I bisogni in più per cio chi cuncerna internet è face sapè chi tutte e esquadre so mubilizate per mantene à leia.

 

A l’agenza di l’impiegu u funziunamentu cuntinueghja in cundizione limitate, e persone chi dumandanu impiegu ponu fà e so dimarchje nant’à e rete , è cunsiglieri so dispunibile à u telefunu à u 3949 o mandendu un mail.

 

Un ci hè mica statu a tradiziunale ceremonia di A madonuccia eri in Aiacciu una messa hè stata celebrate da u vescu di Corsica in a capella private è ritrasmessa nant’à facebook;

Sempre in raggio di l’epidemia ùn ci sera micca celebrazione di a San Ghjisè in Bastia oghje.

Jacques Cviklinski hè statu ricunnisciutu culpevule di furzature sessuale nant’à a so figliola è a so nipota da a corte d’assise di u Var è cundannatu à 15 anni di prigio. A ghjuria hà seguitatu e rechisizione di l’avucatu generale è hè prununziatu una cundanna più severa chè quella resa in prima precura. Jacques Cviklinshi spezialistu di e malatie di l’ochju campava in Marseglia mà venia à spessu Balagna induv’ellu avia una casa famigliale.

 Indirizzu

Piazza Ghjuvanni Simonetti
20221 Cervioni

+04 95 38 12 83

 Rete suciale

Cuncezzione è realizazione Agence de communication L'Agenza