2,5 milioni di perdite d'aiuti pè l'agricultori corsi ind'a PAC 2021-2027

A FDSEA di Cismonte face sapè chì a nova Pulitica Agricula Cumuna (2021-2027) hà da fà perde 2, 5 milioni d’euri d’aiuti dati à l’Agricultura corsa. Sta calata và contru a necessità di l’autonumia alimentare è hà da cresce l’impurtazione di carne vaccina in l’isula presente digià à 80%. I soldi chì mancanu seranu distribuiti à l’aiutu à a pruduzzione di pruteine vegetale. Stu fattu favurizerebbe u veganismu è i prudutti di sustituzione à a carne. Dunque, una gattiva nutizia pè l’allevadori di vaccine europei.