283 pusitive à u Covid 19

Secondu l'ultimu bilanciu ARS , 283 persone sò pusitive à u Covid 19 in Corsica. In Cismonte 67 persone frà elle 6 uspitalizate è una in reanimazione è in Pumonte 216 cù 73 uspitalizazione è 19 in reanimazione. 22 persone sò morte. Un numeru chi ùn hè più cresciutu dipoi u 27 di marzu. Ind’è l’Ehpad 9 residenti sò pusitivi à u coronavirus è una persona hà persu a vita u 27 di marzu. Da sapè chi in Balagna 19 persone sò pusitive à u coronavirus induvè a situazione hè preoccupante.