Attualità

A creazione d’un polu spezializatu in a lotta contr’à u crimine urganizatu cunfirmata da u ministru Gerarld Darmanin

In visita in Corsica u ministru di a ghjustizia hà cunfirmatu eri in Bastia a creazione di un polu spezializatu in a lotta contr’à u crimine urganizatu. Unicu in Francia in a so forma, issu polu  previstu per apre sta statina, hà dà centralizà à a procura di Bastia i cartulari cumplessi liati à u crimine urganizatu in Corsica fora di l’umicidii chi fermeranu sott’à l’egidiu di a JIRS di Marseglia.  U ministru brama dinù l’apertura di una nova prigiò in cullaburazione cù a Cullettività di Corsica. Un polu regiunale dedicatu à a prublematica funziaria serà dinù creatu in Aiacciu.