Attualità

A gestione di i scarti criticata da a camera regiunale di i conti

A camera regiunale di i conti criticheghja a gestione di i scarti in Corsica,  evaluata “duie à trè volte” più cara chè a media naziunale. Punta dinù a mancanza d’un pianu regiunale di gestione di i so scarti allora chì l’isula ne pruduce più chè in l’altre regione. Infine, u percentuale di trascelta hè solu di 38 %. D’altrò, u presidente di l’uffiziu di l’ambiente, Guy Armanet, hà annunziatu chì u pianu territuriale di prevenzione è di gestione di i scarti deverebbe esse à l’ordine di u ghjornu di a prussima sessione di l’assemblea di Corsica à a fine di u mese.