Attualità

A ghjuria di u Libru Corsu ricumpensa i so laureati

A cità di Bunifaziu hà accoltu a rimessa di i premii di u libru corsu 2025 à l’occasione d’una ceremonia orchestrata da Alanu Di Meglio. In a categuria Lingua corsa a ghjuria hà unuratu u rumanzu di Paulu Desanti  “A marghjina” esciutu à l’edizione Albiana. In a categuria finzione u premiu hè statu attribuitu à Joris Giovanetti per u so rumanzu “Ceux que la nuit choisit” à l’edizione Denoel. A categuria Essai hè andata à u storicu Antoine-Marie Graziani per a so opera “La geste du peuple” à l’edizione Alain Piazzola.In litteratura per i zitelli, u trufeu Ghjuventù ricumpensa un libru esciutu à  L'Eolienne intitulatu “Chì Pò Fà” di Claire Le Goff, cun illustrazione di Charles Capelette. Infine in a nova categuria chì ricumpensa i belli libri, a ghjuria hà sceltu “Isula Corsica” chì mette in lume a cullezzione cartografica di u museu di a Corsica.