Attualità

Dop’à a cena parigina, hè à l’assemblea di Corsica chi u dibbattitu per l’autonomia s’hè perseguitu. A l’ottimismu di a delegazione isulana, u dibbattitu rivene à a realità chi hè di creà e cundizione pulitiche per chi i naziunalisti s’accuncinu nant’à una pusizione cumuna, è chi l’altri eletti possinu aderì à u prughjettu. U presidente di l’esecutivu Gilles Simeoni vole truvà un puntu d’equilibriu in a scrittura custituziunale è hà dichjaratu inaccettevule d’appruvà un scrittu allegeritu da u Parlamentu.