Attualità

A legione d’onore pè quattru persunalità di Corsica

Anne-Marie Natali, Marie-Jeanne Nicoli, Laëtitia Cucchi è Jean-Jacques Navarra sò stati numati cavalieru di a legione d’onore chì ricumpensa u so impegnu à prò di l’interessu generale. Persunalità emblematica di a diritta isulana, Anne-Marie Natali dirige a cumuna di U Borgu dapoi u 1983. Da un paese, hè diventata a quarta cumuna di Corsica. In u 2023, avia ricevutu a Marianna d’oru. Dopu, Marie-Jeanne Nicoli, presidente di u cunsigliu ecunomicu, suciale, ambientale è culturale di Corsica dapoi u 2024, hè stata dinù direttrice di a cultura à a merria d’Aiacciu durante quasi vint’anni. Laetitia Cucchi, presidente di l’associu Inseme, hè stata dinù numinata. St’associu aiuta i corsi custretti di fassi curà nant’à u cuntinente. Infine, Jean-Jacques Navarra, procuratore di a Republica in Bastia dapoi u 2024, numinatu pè a so carriera di più di vint’anni à prò di a ghjustizia.