Attualità

A risposta contr’à a mafia iniziata à l’assemblea di Corsica

Pè u ministru di a Ghjustizia, chì hà participatu eri à i travaglii di l’assemblea di Corsica,  a lotta contr’à e derive maffiose ùn deve micca esse solu ripressiva ma dinù culturale, parentale, sucetale è educativa. Hà annunziatu u rinforzu di i servizii di ghjustizia cun 17 magistrati in più per i tribunali è a creazione d’un polu specializatu contr’à a criminalità organisata in Bastia. 

D’altrò,  i prigiuneri corsi ùn seranu più sottumessi à u FIJAIT, pè ùn esse assimilati à i terruristi islamisti. 

I quattru gruppu pulitichi di l’emiciclu anu dibattutu sin’à tardi in a nuttata nant’à e trenta pruposte di u presidente di l’esecutivu. U votu finale intervenerà issu venneri mentre a ripresa di a sessione.