Attualità

A Via Romana hà celebratu i so gladiatori

Lambert Santelli è Emmanuelle Moracchini anu vintu u trail “resistenza” di 50 chilometri. Per Manu Moracchini era a decesima participazione per altretante vittorie. Una grande emuzione per a mamma di famiglia chì hà forse corsu a so ultima à a Via Romana, un trail ch’ell’averà marcatu da e so grande qualità spurtive è umane.

A 25 ima edizione di a corsa d’Orezza Ampugnani  hè stata dinù marcata da a vittoria di i dui Alexandre, De Susini è Muselli, ch’anu francatu inseme l’arrivata, nant’à a 23 chilometri, vinta da Amandine Dumas indè e donne.

U Trail Scuperta di 13 chilometri hè statu vintu da Lenzo Battaglini è Victoire Alzon.