Attualità

Addunita di i sindicati agriculi in u Duminiu Casabianca

Un’addunita hè stata urganizata eri in Linguizetta davanti u duminiu Casabianca. U scopu era di dinunzià u ritardu di a vendita di e sfarente parcelle attribuite à 24 giovani agricultori. Eranu prisenti a FDSEA (Federazione Dipartimentale di i Sindicati di i Sfruttadori Agriculi) è u sindicatu di i giovani agricultori. In core di a prublematica, un liquidatore ghjudiziariu pocu attivu. 

U cartulare hè davanti a ghjustizia dapoi 2016. A SAFER ritenuta per ripiglià di u duminiu viticulu, hè pruprietaria di 330 ettare nant’à i 469.  Una reunione hè aspettata issu dopumeziornu à 2 ore in prefettura di Cismonte.