Affare d'associu di malfattori : un'altra messa in esame

Un’altra persona hè stata messa in esame è incarcerata in u quadru di l’arrestazione di cinque omi a settimana scorsa in Alata, Prupià è a piaghja di Cervioni. Si chjama Abdelkarim Amar. Tutti sò stati intesi da un magistratu di a ghjuridizzione interregiunale spezializata di Marseglia. Sò messi in esame per associu di malfattore chì avianu da cumette un attu criminale. Certi sò accusati dinù d’infrazzione à a legislazione nant’à l’arme è appiattu d’arme.