Affare di u FIJAIT: 3 membri di u cullettivu Patriotti davant'à a corte d'appellu di Bastia

Oghje, una trentina di persone si sò addunite pè sustene à Félix Benedetti, Jean-Marc Dominici è Stéphane Tomasini, membri di u cullettivu Patriotti davant’à a corte d’appellu di Bastia. I trè omi sò citati pè avè ricusatu di sottumesi à l’obligazione di u Fijait pè i culpevuli d’infrazzione terruriste. Di marzu 2019, u tribunale currezziunale di Bastia l’avia cundannati à pagà 800€ d'amenda ognunu. A procura di u tribunale hà dumandatu chì stu ghjudicamentu sia cunfirmatu. A decisione serà resa u 25 di nuvembre.