Affare di u Petit Bar : omi è donne messe in esame

In u cartulare finanziariu di u l’urganisazione criminale detta Le Petit bar,  Stéphane Francisci è Stéphane Raybier sò stati messi in esame per imbianchimentu di soldi è pruvisoriamente incarcerati. Duie donne Valerie Mouren è Saveria Lucchini, sò state anch’elle messe in esame per i listessi fatti  è piazzate sott’à cuntrollu ghjudiziariu.  Sabbatu sera Antony Perrino impurtante capu d’intrapresa in l’insula hè statu messu in esame per imbianchimentu è piazzatu sott’à cuntrollu ghjudiziariu. In fine Sonia Susini Santonia moglia di Jacques Santoni hè stata messa in esame è messa in prigiò pruvisoria. Ramintemu chì i ghjorni nanzu, Jacques Santoni  cunsideratu cum’è u capimachja di l’urganisazione, è u so cugnatu Jean Laurent Susini eranu  stati messi in esame è incarcerati.