Affare Jean-Toussaint Voglimacci: a JIRS s'incaricheghja di l'inchiesta

Mercuri scorsu, Jean-Toussaint Voglimacci hè statu tombu da parechje palle in Carbuccia è una vittura hè stata trova brusgiata. Nentru, arme serebbenu state trove. A JIRS di Marseglia s’incaricheghja di u cartulare. A vittima di 26 anni, era stata messa in esame in u quadru di l’assassiniu di Jean Livrelli tombu d’aostu 2018. Ondeci persone sò state messe in esame in issu cartulare, frà elle Guy Orsoni, Antò Moretti, Olivier Delmonte per assassiniu in banda urganisata.