Attualità

Affari in tribunali

U tribunale currezziunale di Bastia hà ghjudicatu dui omi ind’un affare di travagliu illegale è di sala di ghjochi clandestini ind’un caffè di U Viscuvatu. Jean-Edouard Plattner hè statu assoltu è Jules-André Albertini hè statu cundannatu à dui anni di prigio, 10 000 euri d’amenda è dece anni d’interdizzione di gestisce.

U tribunale di Bastia hà studiatu una prova di favuritismu presunta à Acqua Publica. A procura hà richiestu sei mesi di prigiò attempati contr’à Patrick Graziani, u capu di serviziu incaricatu di i mercati publichi. U ghjudicamentu hè stata messu à deliberà à u 26 di ghjennaghju.

Eri, ghjera u terzu ghjornu di stu prucessu. Dui novi testimoni si so sprimati à a barra: a figliola d’una ripigliadore pussibule digià intesu a vigilia, è u so anzianu cumpagnu.

U tribunale di Bastia hà cundannatu à Cécile Riolacci è Nicole Balbi, duie anziane dirigente di u cunservatoriu naziunale di l’arti è mistieri di Corsica, à 18 mesi di prigiò attempati pè abusu di cunfidenza è di falsu è usu di falsu. Una terza accusata, Marie-Thérèse Giordani hè stata assolta. L’accusazione li rimpruverava d’attribuissi paghe è prime ghjudicati eccessivi à parte da suvvenzione publiche pagate da a CTC.