Voce Nustrale

Bastia
24 d'uttobre

Agricultori sempre mubilizati

Una cinquantina d'agricultori si sò adduniti eri mane davant’à u Palazzu di ghjustizia di Bastia è dopu davant’à u cumissariatu pè sustene à Joseph Colombani, presidente di a camera d'agricultura di Cismonte è Philippe Flori. Sò accusati d’avè sciappatu mubiglia è materiale di scagnu à a DDTM. I dui omi anu da cumparì u 3 di dicembre à 2 ore davant’à u tribunale di Bastia. A à fine di a mubilizazione, incidenti sò accaduti trà manifestanti è CRS davant’à u cumissariatu.

Sta mane, agricultori anu da distribuì fogli di prupaganda in Sagone, Aiacciu, Pruprià è Purtivechju. Marti prossimu à 3 ore, ci serà una reunione à u ministeru di l’Agricultura in Parigi cù i servizii cuncernati nant’à  perdita di suvvenzione in u quadru di a pulitica agricula cumuna. 

 Indirizzu

Piazza Ghjuvanni Simonetti
20221 Cervioni

+04 95 38 12 83

 Rete suciale

Cuncezzione è realizazione Agence de communication L'Agenza