Alerta arancia prulungata

L’alerta arancia di Meteo Francia pè tempurale, acqua è inundazione, hè stata prulungata sin’à omancu dumenica u 29 di nuvembre à meziornu. A parte da sta sera è sin’à a fine di a notte, hè previstu u tempurale è hà da piove da 50 à 100 mm nant’à u litturale è a piaghja orientale, 150 à 200 mm in muntagna è ancu da 250 à 300 mm in certi lochi. Neverà versu 2 000 m. U dipartimentu hè dinù in vigilenza gialla pè una ventata, soprattuttu à l’orlu di u mare in Balagna, chì soffia da 80 à 90 ch/o cù sbuffulate sin’à 100 à 120 ch/o in muntagna. St’alerta hè prevista sin’à omancu 10 ore à 11 ore di sera. U mare hè mossu è serà mossu sta notte nant’à a costa orientale. Tutti sti fenomeni puderebbenu fà sburdà fiumi, in particulare u Tavignanu è u Fium’altu.