ANEM : nove eletti corsi à u cumitatu direttore

Durante u cungressu di l’ANEM ( associu naziunale di l’eletti di a muntagna) chi s’hè tenutu in Corti a settimana scorsa nove eletti corsi sò stati designati à u cumitatu direttore di l’Anem cumè riprisentanti di u massiciu isulanu. Frà elli Jean Felix Acquaviva deputatu di Cismonte, Jean-Jacques Ferrara deputatu di pumonte, Paulu Santu Parigi è Jean Jacques Panunzi senatori di Cismonte è Pumonte. Mà dinù cinque merri, Xavier Poli (Corti), Jean-Baptiste Giffon (Bastelica), Jean-Jacques Giani (Evisa), Anthony Alessandrini (Antisanti) è Fabien Arrighi (Nuceta).