Arrubecciu in un magasinu Gifi in Aiacciu : duie persone interpellate

Eri dopu meziornu, un omu armatu hè entratu ind’u magazinu Gifi di u quartieru Finusellu in Aiacciu. U malfattore hà arrubbatu a cascia senza fà feriti è si n’hè fughjitu in vittura. Subitu un dispusitivu di ricerca hè statu messu in piazza è l’autore presuntu hè statu interpellatu in fine di serata accumpagnatu di un’altru individuu. I dui omi circulavanu à bordu di un veiculu arrubatu. Sò ritenuti dipoi in i lucali di a gendarmeria.