Attualità

Assemblea di Corsica è prucedimentu Beauvau

Ogni gruppu hà custattatu chì u prucedimentu Beauvau hè in panna ma vole prusegue e discussione. D’altrò, l’Esecutivu hà annunziatu a rimessa d’un primu prugettu pè un veru statutu d’autonumia à u guvernu è una suluzione pulitica da quì à a fine di ghjugnu. U scopu hè di risponde à a dumanda di u presidente di a Republica chì vole cunnosce l’essenziale di u prugettu pè a Corsica nanz’à u 14 di lugliu. Stu ghjornu, s’addirizzerà à tutta a Francia pè evucà a revisione custituziunale chì cuncernerà dinù l’isula. D’altrò, u ministru di l’internu hà cunfirmatu chì a quarta reunione di u cumitatu strategicu nant’à l’avvene di a Corsica serà u 7 di ghjugnu.