Assemblea naziunale : Martine Wonner escluda di u so gruppu

Martine Wonner membra di u gruppu Libertés et Territoires à l’assemblea naziunale hè stata esclusa da u so gruppu dopu à i so prupositi pulemichi durante a manifestazione contr’à u passu sanitariu sabbatu in Parigi. St’ultima chjamava à invadì e permanenze parlamentarie pruvuchendu  a zerga di i deputati è ancu quella di u so gruppu induv’è i trè deputati corsi naziunalisti sò prisente.  Un dibattitu  si tenerà à l’assemblea naziunale in giru à u prugettu di lege cuncernendu e nove misure sanitarie contr’à l’epidemia di Covid 19.