Associu di malfattore : cinque omi messi in esame

I cinque omi interpellati a settimana scorsa in Alata, Prupià è a piaghja di Cervioni sò stati intesi da un magistratu di a ghjuridizzione interregiunale spezzializata di Marseglia. Tutti sò stati messi in esame per associu di malfattore chì avianu da cumette un attu criminale. A so incarcerazione hè stata dumandata. Vennari Louis Carboni hè statu messu in esame  in stu cartulare è secondu parechji elementi  tutte e persone intese serebbenu in leia cù ellu. Si cunnoscerà oghje a decisione per e cinque persone messe in esame.