Attualità

Attenti timpurali

A Corsica hè in alerta arancia timpurali è venti forti. Forte precipitazione è sbuffulate sin’à 150 chilometri à l’ora sò aspettate in particulare nant’à a parte occidentale di l’isula.  A frequentazione di numerosi siti hè interdetta à u publicu. In Cismonte 1350 persone allughjate in i campeghji sò state messe à l’agrottu per precauzione, allora chi u traficcu aereu in Bastia è in Calvi hè perturbatu.

U livellu rossu essendu pensevule, l’autorità chjamanu à a più grande prudenza. Femu u  puntu da qui à pocu in u nostru biglettinu meteorologicu.