Attualità

Autonumia: l’eletti territoriale intesi da u rapurtadore di u testu

U deputatu macronistu Florent Boudié, presidente di a cumissione di e legge à u Palazzu Bourbon è rapurtadore di u testu nant’à l’autonomia, era eri  in Aiacciu induv’ellu hà scontru l’eletti territuriali ch’anu reaffirmatu a so unanimità nant’à a nuzione di ricunniscenza è i valori propii à l’isulanità di a Corsica. U prughjettu di lege custituziunale serà esaminatu à u Palazzu Bourbon u 16 di ghjugnu prussimu. Da a so parte, u deputatu François-Xavier Ceccoli hà tenutu una riunione publica eri in Borgu induv’ellu s’hè dettu favurevule à una cunsultazione di a populazione corsa.