Attualità

Bilanciu Covid di l'ARS

L’Agenza regiunale di a Salute hà publicatu u so bilanciu rilativu à l’evoluzione di a pandemia di Covid 19 in Corsica. S’ultime 24 ore, nisun mortu in più.  A oghje, 169 persone pusitive à u siscu sò morte in l’isula dipoi u principiu di pandemia, 79 dipoi u mese di sittembre. 47 persone sò uspitalizate, 8 in Pumonte, è 39 in Cismonte. Frà elle, 8 sò in reanimazione (tutte in Cismonte).
Eri 52 testi pusitivi sò stati rilevati, 13 in Pumonte è 39 in Cismonte.  U percentuale di pusitività hè stabile in Pumonte, cun 1,3  è in aumentu in Cismonte, cun 3 percentu.
A campagna di vaccinazione conta 19 439 persone vaccinate in Corsica, è frà elle 6825 anu avutu u secondu vaccinu.