Attualità

Bilanciu di u 14 di ghjennaghju

Santé Publique France hà publicatu l’ultimu bilanciu di a covid. U percentuale d’incidenza hè calatu da 2672 à 2322 in dui ghjorni. Sì u percentuale d’incidenza, cresce assai in a categuria 0-19 anni, cala in l’altre categurie, in particulare ind’è i 20-29 anni, da 5 581 à 3 701 in una settimana. D’altrò, 156 persone sò uspidalizate, frà quesse 21 in rianimazione.

Eri, u retturatu di Corsica hà publicatu u bilanciu d'evuluzione di a covid in i stabilimenti sculari. A crescita hè maiò : sta settimana, 1 567 elevi sò stati cuntrullati pusitivi contr’à 273 a settimana scorsa. 118 persunali di l'Accademia sò in a listessa situazione contr’à 37. 162 classe sò chjuse, siasi più di 7% di l’accademia.